Back نهر پيسكاتاكوا ARZ Piscataqua River German Piscataqua River English Piscataqua French Пискатакуа Russian 皮斯卡塔夸河 Chinese

Piscataqua Flumen

Piscataqua Flumen: despectus ex Portsmouth Novae Hantoniae.
Exemplar tabulae Anglicae Cenomannicae et Novae Hantoniae, circa 1670.

Piscataqua[1] Flumen, in boreorientali Civitatum Foederatarum regione situm, est aestuarium flumen aestus duodecim milia passuum longum, per confluentiam fluminum Salmon Falls et Cocheco formatum. Cuius regio exsiccationis est 1495 milia quadrata fere, additas amplectens regiones exsiccationis Magnorum Operum Fluminis et quinque fluminum quae in Sinum Magnum defluunt: Bellamy, Oyster, Lamprey, Squamscott, Winnicut.

Flumen meridiorientem versus fluit, partem finium civitatum Novae Hantoniae et Cenomannicae determinans, seque in Oceanum Atlanticum orientalem versus Portsmouth Novae Hantoniae effundens. Ultima milia ante mare sex Portsmouth Harbor,[2] unum ex optimis portibus in Civitatibus Foederatis boreorientalibus, constituunt, contra vim aestuariam, unam ex celerrimis in America Septentrionali aestimatis.[3] Urbs Portsmouth Novae Hantoniae et oppidum Kittery Cennomannicae circum portum creverunt.[4]

  1. ↑ Vocabulum Anglice enuntiatum /pɪs'kæt.ə.kwə/; -aqua pars verbi est res fortuita.
  2. ↑ Ad verbum, 'Portus Ostii Portús', locutionem supervacuam.
  3. ↑ NOAA "Tides & Currents fact sheet"
  4. ↑ DeLorme Mapping Company, The Maine Atlas and Gazetteer (ed. 13a, 1988), ISBN 0899330355, tabula 1.
From Wikipedia, the free encyclopedia · View on Wikipedia

Developed by Tubidy